У Італіі страйкуюць супрацоўнікі некалькіх авіякампаній
2- 17.07.2022, 19:01
- 3,346
Скасаваныя сотні авіярэйсаў.
Больш за 200 авіярэйсаў скасаваныя ў нядзелю, 17 ліпеня, у аэрапортах па ўсёй Італіі. У асноўным гэта закранула ўнутраныя рэйсы. Аднак з Мілана не вылецелі і самалёты ў Франкфурт-на-Майне і Бэрлін, а з аэрапортаў Рыма - сярод іншага, у Парыж, Амстэрдам, Лондан і Цюрых, паведамляе DW.
Прычынай скасавання рэйсаў стала папераджальная чатырохгадзінная забастоўка, да якой заклікалі некалькі італьянскіх прафзвязаў. Яны паведамілі, што працу спынілі супрацоўнікі нацыянальнага ўпраўлення цывільнай авіяцыі ENAV, а таксама авіякампаній Ryanair, EasyJet і Volotea.
Паводле звестак ENAV, забастоўка праходзіць з 14.00 да 18.00 паводле мясцовага часу. Прычынай яе правядзення стаў канфлікт паміж авіякампаніямі і празвязам вакол правоў працаўнікоў, умоў працы і выплаты мінімальнага заробку ў галіне цывільнай авіяцыі.