Расейскія вайскоўцы масава пішуць рапарты на звальненне і бунтуюць
1- 2.07.2022, 11:04
- 7,918
Перахопленая размова акупанта з маці.
Расейскія вайскоўцы адмаўляюцца выконваць загады свайго кіраўніцтва на вайне супраць Украіны, а таксама масава пішуць рапарты на звальненне з войска.
Пра гэта сведчыць чарговы перахоп ГУР размовы акупанта з маці.
У перахопе расеец расказвае маці, што нядаўна напісаў рапарт на звальненне з войска. Ён кажа, што рапарты напісалі і іншыя вайскоўцы ягонага падраздзялення і аддалі старэйшаму афіцэру.
«Стос (рапартаў – рэд.) у яго здаровы набраўся... Усе практычна напісалі адмову. Учора сказалі, што ў штаб войска аддадуць, а там відаць будзе», – сказаў ён.
Маці сказала сыну, што пакідала скаргу на сайце Міністэрствы абароны РФ. Зрэшты, калі не прыйдзе адказ, трэба звяртацца ў вайсковую пракуратуру. Гаворыць, што збіраецца шукаць юрыста.
«Не трэба наймаць. Зараз усё вызначым. Народ ужо ўсе бунтуюць. Адмаўляюцца выконваць загады», – адказвае ёй сын.
Таксама паводле інфармацыі выведнікаў, расейцы плацяць хабар за «дэмабілізацыю» з вайны.