МЗС Польшчы рэкамендаваў сваім грамадзянам унікаць выпраў у Беларусь
5- 2.07.2022, 16:37
- 5,614
Намеснік міністра замежных спраў Польшчы падкрэсліў, што з тэрыторыі Беларусі працягваюцца напады на Украіну.
У Міністэрстве замежных спраў Польшчы пракаментавалі ўвядзенне Лукашэнкам бязвізавага ўезду ў краіну для грамадзян Польшчы з 1 ліпеня, перадае «Польскае радыё».
«Раім быць вельмі асцярожнымі і ўнікаць выпраў у Беларусь», - заявіў у Львове намеснік міністра замежных спраў Польшчы Павел Яблонскі.
Павел Яблонскі падкрэсліў, што з тэрыторыі Беларусі працягваюцца напады на Украіну:
«Стаўленне Беларусі як у дачыненні да Украіны, так і Польшчы варожае. Калі нехта пабывае на тэрыторыі краіны, якая ставіцца да Польшчы як да ворага, то мае ўсведамляць рызыку. У Беларусі цяпер блізу тысяча палітычных вязняў. Мы не забываемся пра іх і працягваем намаганні з мэтай іхняга вызвалення. Міжнародны ціск трэба чыніць як на Расею, так і на Беларусь”.