Кіраўнік Узбекістана Мірзіееў спалохаўся масавых пратэстаў у краіне
10- 2.07.2022, 18:25
- 12,868
Што цяпер адбываецца ва Узбекістане?
У Каракалпакстане, аўтаномнай рэспублікі ў складзе Узбекістана, успыхнулі масавыя пратэсты супраць змены Канстытуцыі. Акцыі прайшлі ў Нукусе, сталіцы Каракалпакстана, і іншых гарадах. Жыхары Нукуса правялі шэсце, а затым мітынг на цэнтральным дэхканскім рынку, паведамляк «Настоящее время».
Пратэсты пачаліся 1 ліпеня, пасля таго, як ва Узбекістане апублікавалі новы праект Канстытуцыі. З новага варыянту выключаюць суверэнны статус Каракалпакстана і яго права на выхад са складу рэспублікі. Каракалпакстан займае 40% тэрыторыі Узбекістана, пры гэтым у рэгіёне жыве блізу 7% насельніцтва - блізу 2 млн чалавек.
Цяпер у Каракалпакстане сур'ёзныя праблемы з інтэрнэтам, як з мабільным, так са і стацыянарным падключэннем, загрузіць фатаграфіі і відэа з месца падзей не атрымліваецца.
Са звестак выдання "Хук" таксама паведамляе, што ўезд у горад Нукус перацяты з боку гарадоў Тахіяташ, Хаджэйлі, Орак Балга.
Утром 2 июля активиста и журналиста из Нукуса Даулетмурата Тажимуратова увезли из его дома. По данным издания «Хук», за ним и его сторонниками приехали пять автобусов. Тажимуратов считается организатором митинга 5 июля против лишения Каракалпакстана суверенитета pic.twitter.com/CFM2mo7eKK
— Медиазона. Центральная Азия (@mediazona_ca) July 2, 2022
Акрамя таго, улады Узбекістана закрылі прапускны пункт на мяжы Казахстана і Каракалпакстана. КНБ Казахстана паведамляе, што пропуск праз мяжу часова спынены "ў адпаведнасці з інфармацыяй, якая паступіла ад узбекскіх партнёраў, з 1 ліпеня 2022 года ў сувязі з выхадам са строю інфармацыйнай сістэмы". У гэтым жа прэс-рэлізе гаворыцца, што плануецца прыпыненне чыгуначнага злучэння на маршруце Каракалпакстан - Бейнеў (станцыя ў казахскім Мангістаў).
Увечары 2 ліпеня стала вядома, што ў Нукус з Ташкента вылецеў самалёт прэзідэнта Узбекістана Шаўката Мірзіеева, а таксама самалёт прэм'ер-міністра краіны Абдулы Арыпава.