8 жнiўня 2022, панядзелак, 10:24
Сім сім, Хартыя 97!
Рубрыкі

Брытанская выведка назвала наступны ключавы бой у бітве за Данбас

2
Брытанская выведка назвала наступны ключавы бой у бітве за Данбас

Акупанты цяпер знаходзяцца прыкладна за 16 км ад гэтага горада.

Пасля ўзяцця Лісічанска расейскае войска перакінула пад Славянск свае асноўныя сілы. Бой за горад можа стаць наступным ключавым у бітве за Данбас.

Пра гэта паведамляе Міністэрства абароны Вялікай Брытаніі ў Twitter.

Як адзначаецца ў зводцы, Расея прадаўжае ўмацоўваць свой кантроль над Лісічанскам і Луганскай вобласцю. На поўнач яна перакінула на Ізюмскі кірунак большую частку рэшты Усходняй і Заходняй групаў войскаў.

За апошні тыдзень расейскія сілы, верагодна, прасунуліся яшчэ на 5 км па галоўнай дарозе E40 ад Ізюма, сутыкнуўшыся з надзвычай моцным супрацівам украінцаў. Расейскія сілы з Усходняй і Заходняй групаў войскаў цяпер, верагодна, знаходзяцца прыкладна за 16 км на поўнач ад горада Славянск.

"Паколькі горад таксама знаходзіцца пад пагрозай з боку Цэнтральнай і Паўднёвай групаў войскаў, існуе рэальная верагоднасць таго, што бой за Славянск стане наступнай ключавой бітвай у барацьбе за Данбас", – гаворыцца ў зводцы.

Нагадаем, паводле звестак брытанскай выведкі, пасля захопу амаль усёй тэрыторыі Луганскай вобласці расейскія войскі паспрабуюць узяць пад кантроль і Данецкую вобласць. Гарады будуць раўняць з зямлёй артылерыяй.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».