6 кастрычнiка 2022, Чацвер, 14:47
Сім сім, Хартыя 97!
Рубрыкі

Выбухі на аэрадроме ў Беларусі: Сталі вядомыя новыя падрабязнасці

50
Выбухі на аэрадроме ў Беларусі: Сталі вядомыя новыя падрабязнасці

Знішчаная расейская тэхніка.

У выніку выбухаў на вайсковым аэрадроме «Зябраўка» ў Беларусі была пашкоджаная тэхніка. Сярод іншага, расейскі радыёлакатар падсветкі і навядзення для ЗРК.

Пра гэта паведамляе маніторынгавая група «Беларускі Гаюн».

Паводле папярэдніх звестак, у выніку падзей ноччу быў знішчаны танк Т-72 і боекамплект – блізу 10 снарадаў. Пацвярджэннем гэтага з'яўляецца тое, што сёння паблізу аэрадрома «Зябраўка» заўважылі МАЗ беларускіх вайскоўцаў з надпісам «размінаванне».

Таксама маніторынгавая група адзначае, што, верагодна, ноччу на аэрадроме таксама быў знішчаны расейскі радыёлакатар падсветкі і навядзення 92Н6Е. Ён дапамагае зенітна-ракетным комплексам выяўляць цэлі і знішчаць іх.

«Калі інфармацыя дакладная, то як мінімум частка з дывізіёна зенітна-ракетных комплексаў С-400 "Трыумф", якія знаходзяцца на аэрадроме, цяпер з'яўляюцца недзеяздольнай», – гаворыцца ў паведамленні.

Акрамя таго, паводле неправеранай інфармацыі, таксама ёсць пацярпелыя ў выніку выбухаў.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».