Лекары расказалі аб простым спосабе захаваць сэрца здаровым

Экспэрты прааналізавалі звесткі з пяці тысяч чалавек ва ўзросце 45-84 гадоў.

Навукоўцы з Ілінойскага ўніверсітэта сцвярджаюць, што аптымізм дапамагае захаваць здароўе сэрца. Яны прааналізавалі сувязь паміж станоўчым стаўленнем да жыцця і станам сардэчна-сасудзістай сістэмы, піша medicina.ua.

Сабраўшы звесткі аб 5 тысячах чалавек ва ўзросце 45-84 гадоў, даследчыкі прыйшлі да высновы, што аптымісты ўдвая часцей маюць ідэальна здаровае сэрца.

Для ацэнкі выкарыстоўваліся крытэрыі Амерыканскай асацыяцыі сэрца: крывяны ціск, індэкс масы цела, узровень глюкозы ў крыві, узровень халестэрыну ў крыві, дыета, фізічная актыўнасць, курэнне. Удзельнікі даследавання таксама запаўнялі апытанку, які дазваляе вымераць аптымізм.

Аптымістычныя людзі на 50 і 76% часцей траплялі ў групы сярэдняга і ідэальнага стану сэрца адпаведна. У іх таксама былі лепш паказчыкі глюкозы і халестэрыну, чым у песімістаў. Яны радзей палілі, больш рухаліся і менш важылі. Аптымізм захоўвае здароўе і падаўжае жыццё, таму не паддавайцеся негатыўнаму мысленню.

Са слоў экспэрта, стрэс з'яўляецца адным з чыннікаў сардэчных захворванняў, бо ён звычайна суправаджаецца праблемамі са сном, ужываннем алкаголю і вялікай колькасцю прысмакаў, а таксама курэннем.