Эксперт: РФ пачала ашчаджаць ракеты, не дасягнуўшы жаданых вынікаў у вайне супраць Украіны
5- 27.08.2022, 21:03
- 8,040
Усё менш ракет прарывае ўкраінскую СПА.
Расейская Федэрацыя пачала ашчаджаць ракеты, не дасягнуўшы жаданых вынікаў у вайне супраць Украіны. Аб гэтым заявіў вайсковы эксперт Defense Express Валерый Рабых.
- Расея пачала ашчаджаць ракеты не дасягнуўшы жаданых вынікаў, на якія разлічвала падчас масаваных ракетных удараў па тэрыторыі Украіны. Гэта можна прасачыць у статыстыцы на Дзень Незалежнасці Украіны: толькі 8 ракет Х-22 праткнуліся скрозь украінскую СПА, хаця Расея дэманстравала вельмі высокую актыўнасць - больш за 200 вылетаў самалётаў, якія ў большасці былі імітацыяй пагрозы ракетнага ўдару, - растлумачыў Рабых.
Са слоў вайсковага эксперта, расейскія ракеты таксама з'яўляюцца носьбітамі ядзернай зброі.
- Ракеты, якія Расея ўжывае супраць Украіны, таксама з'яўляюцца носьбітамі ядзернай зброі. РФ неабходна захоўваць дастаткова вялікі запас такіх ракет на выпадак абвастрэння сітуацыі - калі давядзецца ваяваць у варунках ужывання ядзернай зброі, - дадаў ён.
Паведамляецца, што агульная колькасць розных крылатых ракет, якія Расея ўжыла супраць Украіны, набліжаецца да 3,5 тысячы.