Родныя генерала, якога Лукашэнка адправіў у адстаўку, падтрымалі беларускі народ

Уладзімір Арчакоў курыраваў працу Савета бяспекі з КДБ.

Адзін з галоўных сілавікоў краіны Уладзімір Арчакоў, як паведамляў Charter97.org, вызвалены ад пасады намесніка дзяржаўнага сакратара Савета бяспекі. Указ аб яго адстаўцы афіцыйна не быў апублікаваны, аднак на Нацыянальным прававым інтэрнэт-партале з'явіўся ўказ Лукашэнкі №268 ад 1 жніўня, якім Арчакоў выключаецца з розных камісій і калегій, куды ўваходзіў на пасадзе. З указа вынікае, што зараз пасаду намесніка Аляксандра Вольфавіча замест Арчакова заняў Аляксандр Невяроўскі.

«Нашай Ніве» таксама стаў вядомы паказальны факт. Родныя генерала не падтрымлівалі таго, што ён рабіў, і падчас падзей 2020-2022 гадоў былі на баку беларускага народа.