У Беларусі мяняюць правілы медагляду для кіроўцаў: што вядомае

Пастанова набывае моц 22 верасня.

У Беларусі неўзабаве ўнясуць некаторыя карэктывы ў правілы накіравання аўтааматараў і кіроўцаў механічных машын на абавязковы медыцынскі агляд. Інфармацыя аб гэтым апублікаваная на Нацыянальным прававым інтэрнэт-партале.

Напрыклад, у новым парадку ўказана, што пасля праходжання абавязковага медагляду кіроўцу будзе паступаць апавяшчэнне аб пастанове камісіі, якую ён будзе абавязаны прыняць асабіста і пад подпіс у дзень прыняцця пастановы. У выпадку, калі кіроўца не можа прысутнічаць пры выдачы дакумента, яму могуць агучыць прынятую пастанову ў вуснай форме або адправіць дакумент заказным лістом цягам пяці каляндарных дзён. Характэрна, што ў акт медагляду ўносіцца пазнака, у якой форме кіроўца атрымаў паведамленне.

Таксама пастанова тлумачыць інструкцыю і парадак, пры якім факт апавяшчэння аб накіраванні на абавязковае праходжанне медыцынскай камісіі дадаецца ў дакументы кіроўцы. Пасля гэтага аўтааматар сам вызначае, калі яму звярнуцца ў медустанову і прайсці камісію.

Таксама новы парадак вызначае часовыя рамкі, калі наймальнік падае звесткі пра кіроўцу-работніка. Цяпер такую інфармацыю, пры наяўнасці ў супрацоўніка пасведчання трактарыста-машыніста, трэба будзе падаць у ДАІ і Дзяржінспекцыю нагляду за тэхнічным станам машын і абсталявання Мінсельгасхарча не пазней за 10 каляндарных дзён.

Пастанова набывае моц з 22 верасня 2022 года.