Асіповіцкі завод аўтамабільных агрэгатаў пачаў масавыя звальненні працоўных

Некаторыя цэхі перавялі на трохдзённы графік працы.

Асіповіцкі завод аўтамабільных агрэгатаў пачынае масавыя звальненні работнікаў.

«Паводле ўказу ад 25 ліпеня нікога на працу не бяруць, толькі па размеркаванні на адпрацоўку», - паведамляе чытач тэлеграм-канала БАР.

«Узяліся за людзей пенсійнага ўзросту і тых, хто, на іх думку, не задавальняе іх як работнік.

Заробак выдаецца часткамі, пачаліся перабоі з пастаўкамі матэрыялаў для працы. Прадукцыю праз санкцыі няма куды падзець. Усё добра толькі на паперах да шклоўскага фюрэра.

Моладзь уладкоўваць на працу, зразумелая справа, не жадаюць. Некаторыя цэхі працуюць на трохдзёнцы, прымушаюць пісаць заяву ў адпачынкі за свой кошт. У адміністрацыі сядзяць сваякі», - распавёў супрацоўнік завода.