Расейскі гаўляйтэр Херсонскай вобласці запаў у кому

Яго рыхтуюць да транспартавання ў Маскву.

Галоўнага калабаранта Херсонскай вобласці Уладзіміра Сальда шпіталізавалі і ўвялі ў стан медыкаментознай комы.

Пра гэта паведамляе расейскае прапагандысцкае выданне РБК.

Паводле інфармацыі прапагандыстаў, Сальда шпіталізаваны, яго ўвялі ў медыкаментозную кому.

Стан калабаранта ацэньваецца як «сярэдняга цяжару».

Сальда збіраюцца перавезці спецыяльным бортам з Крыма ў адну з маскоўскіх лякарняў. Учора яго пераправілі з Херсонскай вобласці ў клініку ў акупаваным Крыме. Аднак яму стала горш, Сальда падключылі да апарата ШВЛ і ўвялі ў кому. Кансіліум лекараў пастанавіў, што пацыента трэба тэрмінова даставіць у Маскву. Для яго перавозкі ўжо гатовы спецыяльны борт.