У адной са школ Менска ўводзяць форму для настаўнікаў

Такім чынам вучням будуць «прывіваць пачуццё густу».

У школе Менска №101 настаўнікі пачатковых класаў 1 верасня прыйдуць у вобразе Мэры Попінс, піша kp.by.

Разам з тым у школе праінфармавалі, што школьную форму ўводзяць не толькі для вучняў, але таксама і для настаўнікаў у рамках рэалізацыі праекта «Беллегпрама».

Як паведаміла дырэктарка школы №101 Жанна Саковіч, для настаўнікаў у школе ўжо даўно дзейнічае адзіны афіцыйна-дзелавы стыль - чорна-белы манахром. Аднак на 1 верасня настаўнікі пачатковых класаў прыйдуць у вобразе Мэры Попінс - чорных сукенках з белымі каўнерыкамі.

Са слоў дырэктаркі, задача такога эксперыменту ў тым, каб прывіць вучням пачуццё густу.