Прэзідэнт Польшчы ўзніме пытанне аб сітуацыі ў Беларусі на форуме ЕЗ

Варшава мяркуе, што справа журналісткі Ірыны Слаўнікавай патрабуе ўмяшання Брусэля.

Дарадца прэзідэнта Польшчы Павел Муха заявіў у праграме «Польскага радыё», што справа журналісткі Ірыны Слаўнікавай патрабуе ўмяшання ўсяго Еўразвяза і нагадаў, што прэзідэнт Польшчы ўзнімае беларускія пытанні на форуме ЕЗ.

Ён падкрэсліў, што асуджэнне Ірыны Слаўнікавай непрымальнае. Ён дадаў, што такія выракі сведчаць аб узмацненні рэпрэсій з боку рэжыму Аляксандра Лукашэнкі.

«Гэта бесперапынны працэс, які патрабуе дзеянняў усяго ЕЗ. Прэзідэнт падтрымлівае намаганні МЗС і таксама ўзнімае гэтае пытанне на ўзроўні Еўразвязу. На жаль, рэжым абвастрае напружанне сваімі дзеяннямі, такія крокі абсалютна непрымальныя».