Вечаровая зводка Генштаба УСУ

УСУ адбілі атаку на Лазавое, акупанты спрабуюць захапіць Салядар.

Расейскія войскі спрабуюць захапіць гарады Салядар і Бахмут у Данецкай вобласці. Аднак украінскія вайскоўцы трымаюць абарону.

Пра гэта паведамляе Генштаб УСУ.

Северскі напрамак

Вораг утрымлівае ў памежных раёнах Бранскай і Курскай абласцей асобныя падраздзяленні, праводзіць інжынернае абсталяванне пазіцый, а таксама ўстанаўлівае сістэмы відэаназірання.

Акупанты з артылерыі абстралялі цывільную інфраструктуру ў раёнах населеных пунктаў Жалезны Мост і Грымяч у Чарнігаўскай вобласці і Старыкава Сумскай вобласці.

Харкаўскі і Слабажанскі напрамкі

Праціўнік прадаўжае стрымліваць украінскія войскі, каб не дапусціць аднаўлення наступу.

Са ствольнай і рэактыўнай артылерыі акупанты абстралялі Харкаў і населеныя пункты Руская Лазавая, Каробачкіна, Чаркаскія Цішкі, Стары Салтаў, Верхні Салтаў. Беспілотнымі лётнымі апаратамі правёў паветраную выведку каля Рускай Лазавой, Малых Праходаў, Гусараўкі і Чэпіля.

Славянскі і Данецкі напрамкі

Праціўнік абстрэльваў з артылерыі розных тыпаў раёны паблізу Багародзічнага, Даліны, Дуброўнага, Вялікай Камышавахі і Роднага.

Вораг засяроджвае намаганні ў раёнах Бахмута і Аўдзееўкі. Спрабуе ўсталяваць кантроль над гарадамі Салядар і Бахмут і адціснуць украінскія войскі ад заходняй ускраіны горада Данецк.

Краматорскі і Бахмуцкі кірункі

Акупанты з танкаў і артылерыі абстраляў раёны непадалёк Северска, Грыгароўкі, Верхнякаменскага, Бахмута, Зайцава, Салядара, Якаўлеўкі і Кадэмы. Нанеслі авіяцыйны ўдар каля Вяршыні.

Наступальнымі дзеяннямі акупанты спрабавалі захапіць выгадныя рубяжы і палепшыць тактычнае становішча ў раёнах Бахмута, Зайцавага і Вяршыны, поспеху не мелі, адышлі.

Аўдзееўскі напрамак

Зафіксаваныя артылерыйскія абстрэлы каля Аўдзееўкі, Новабахмутаўкі, Невельскага, Нятайлавага і Краснагораўкі. Вораг беспаспяхова спрабаваў рушыць наперад у кірунках населеных пунктаў Краснагораўка, Аўдзееўка і Пяскі.

Навапаўлаўскі і Запарожскі кірункі

Праціўнік абстрэльваў з танкаў, ствольнай і рэактыўнай артылерыі раёны населеных пунктаў Мар'інка, Уладзіміраўка, Новаміхайлаўка, Вялікая Навасёлка, Новаандрэеўка, Каменскае, Навасёлка, Валшэбнае, Наваполь, Гуляйполе і Няскучнае.

Украінскія ваяры паспяхова адбілі чарговы варожы штурм у напрамку Мар'інкі і прымусілі ворага ўцячы. Акупанты правялі выведку беспілотнікамі ў раёнах Запарожжа і Навасёлаўкі Другой.

Паўднёвабугскі напрамак

Расейская армія ўсімі сродкамі спрабуе ўтрымаць занятыя пазіцыі і не дапусціць стварэння ўкраінскімі падраздзяленнямі спрыяльных умоваў для контрнаступу.

Вораг абстрэльваў раёны населеных пунктаў Пасад-Пакроўскае, Стэпавая Даліна, Лупарава, Новамікалаеўка, Новагрыгор'еўка, Красная Даліна, Зялёны Гай, Андрэеўка, Трудалюбаўка, Новаваранцоўка, Тапольнага, Пацёмкіна, Вольгіна, Нікапаль. Авіяцыяй нанёс удары непадалёк Лазавога, Вялікага Артакава і Андрэеўкі.

Праціўнік распачаў спробу наступу ў кірунку на Лазавое. Атрымаў катэгарычны адпор ад украінскіх ваяроў і адышоў.

Для выяўлення пазіцый украінскіх падраздзяленняў і карэктавання агню артылерыі актыўна ўжывае беспілотнікі.

Чорнае і Азоўскае моры

Расея засяроджвае сілы на падтрыманні сухапутнай групоўкі, блакаванні цывільнага суднаходства і абстрэлах Украіны. У акваторыях знаходзяцца чатыры носьбіты крылатых ракетаў марскога базавання.

УСУ прадаўжаюць паспяховыя выкананні ракетна-артылерыйскіх агнявых задачаў на пэўных кірунках. Праціўнік адчувае востры дэфіцыт навучанага і хоць неяк матываванага папаўнення для падраздзяленняў, якія нясуць страты.