У Брытаніі абвясціў страйк найбуйнейшы кантэйнерны порт

Упершыню з 1989 года.

Больш за 1900 сяброў прафзвязу найбуйнейшага кантэйнернага порта Вялікай Брытаніі Фелікстоу ў пятніцу анансавалі васьмідзённы страйк – з 21 да 28 жніўня – праз спрэчку ў аплаце працы.

Пра гэта паведамляе Sky News.

Прафзвяз заявіў, што працадаўца Felixstowe Dock and Railway Company не змог палепшыць сваю прапанову аб павышэнні заробку на 7% пасля леташняга павелічэння толькі на 1,4%.

«Страйк вынікуе сур'ёзныя збоі і выкліча велізарныя ўзрушэнні ва ўсім ланцужку паставак Вялікай Брытаніі, але гэтая спрэчка з'яўляецца выключна віной кампаніі. Ён меў усе магчымасці зрабіць нашым сябрам справядлівую прапанову, але пастанавіў гэтага не рабіць», – сцвярджаюць у прафзвязе.

Прадстаўнік Felixstowe Dock and Railway Company у заяве, прадстаўленай Sky News, адзначыў, што ўладальнік порта прадаўжае «актыўна шукаць выйсце, якое будзе задавальняць усе бакі і дазволіць унікнуць масавых дзеянняў».

«Дыскусіі прадаўжаюцца, і апошняя пазіцыя кампаніі ў перамовах заключаецца ў павышэнні заробку на 7%. Мы зноў сустрэнемся ў панядзелак, 8 жніўня… У порце не было страйкаў з 1989 года, і мы расчараваныя тым, што прафзвяз паведаміў аб пратэстах, пакуль прадаўжаюцца перамовы», – дадае спікер Фелікстоў.

Паводле звестак Фелікстоу, порт штогод прымае блізу 2000 караблёў, у тым ліку некаторыя з найбуйнейшых у свеце кантэйнеравозаў. Порт абслугоўвае 17 суднаходных ліній, якія злучаюць больш за 700 партоў па ўсім свеце.

Праз Фелікстоу ажыццяўляецца амаль палова ўсіх кантэйнерных перавозак у Вялікай Брытаніі. Страйк ударыць па ланцугах забеспячэння, сектарах лагістыкі і транспартавання, а таксама міжнародным марскім гандлі.