У Ліцэй БДУ на лінейку прыязджаў чэкіст
18- 1.09.2022, 21:09
- 12,820
Намеснік кіраўніка КДБ назваў ката Дзяржынскага «выратавальнікам вялікай колькасці жыццяў».
Сёлета на лінейках у многіх школах прысутнічалі прадстаўнікі з сілавых структураў – пракуратуры, СК. У Ліцэй БДУ даслалі выступіць намесніка кіраўніка КДБ.
Пра візіт "Нашай Ніве" вядома ад некалькіх крыніцаў.
Выступ кадэбіста быў вельмі кароткі, пару хвілінаў. У сваёй прамове ён расказаў пра Фелікса Дзяржынскага, як той "шмат добрага зрабіў для дзяцей, заснаваў службу, нашчадкам якой з'яўляецца КДБ, выратаваў вялікую колькасць жыццяў".
І запрасіў моладзь пасля выпуску ісці да іх у КДБ.
Вядома, што прапусціць лінейку навучэнцы маглі толькі з даведкай ад лекара. Збіралі спісы адсутных (праўда, так было і ў папярэднія два гады). Ці планавалі перадаваць куды-небудзь гэтыя спісы, невядома.
У пачатку 20-га стагоддзя Усерасейская надзвычайная камісія па барацьбе з контррэвалюцыяй і сабатажам, якой кіраваў Дзяржынскі, была галоўным рэпрэсіўным органам. У 1918 годзе УНК расстраляла 6185 чалавек, яшчэ 14829 чалавек змясцілі ў турмы, 6407 – накіравалі ў канцэнтрацыйныя лагеры, 4068 – узялі ў закладнікі.