У Менску таксіст адвёз у міліцыю пасажырку, якая не мела гатоўкі аплаціць выправу

Жанчыну адпусцілі, а кіроўцу пагражае штраф.

У Менску пасажырка таксі выявіла, што яна не мае гатоўкі заплаціць за паездку. Спадарыня папрасіла кіроўцу падвезці яе да банкамата, каб яна зняла грошы з карткі, але прынцыповы шофер павёз яе ў міліцыю. Пра тое, што было далей, расказалі ва Управе аперацыйных акцый інспекцыі МПЗ Менска.

Мянчанка выклікала таксі праз мабільную праграму і адзначыла ў праграме форму разліку гатоўкай. У самым канцы выправы пасажырка выявіла, што гатоўкі яна пры сабе не мае. Жанчына прапанавала кіроўцу два варыянты выйсця з сітуацыі: разлічыцца банкавай карткай, або адвезці яе да найбліжэйшага банкамата, каб яна зняла гатовыя грошы і аплаціла паездку.

Замест гэтага кіроўца прывёз пасажырку для разбору ў міліцыю.

«Першае пытанне да таксіста, які задалі супрацоўнікі праваахоўных органаў, было такое: дзе ў аўтамабілі-таксі таксомэтар? І раптам выявілася, што таксомэтар у аўтамабілі і не ўсталяваны. Няма таксомэтра, а як жа Вы мерыліся гатоўку прымаць ад пасажыра? Што атрымалі стораны канфлікту ў выніку разбору: пасажырка праехалася задарма і напісала скаргу, а ў таксіста будзе візіт да нас, дзе ён будзе сумна апавядаць пра тое, як цяжка выжываць у гэтым сіберным свеце пасажырскіх перавозак» — расказалі ва ўправе аперацыйных акцый інспекцыі МПЗ Менска.