Стала вядома, калі ў Беларусі зноў вырастуць тарыфы на ЖКГ

Рахункі неўзабаве пацяжэюць.

Міністр ЖКГ Андрэй Хмель сказаў, калі ў Беларусі павялічацца тарыфы на жыллёва-камунальныя паслугі.

- Значных скачкоў тарыфаў, у тым ліку і на ацяпленне «не прадбачыцца» сёлета, тым больш, што «ўрадам» у чэрвені была прынятая пастанова не падымаць тарыфы на цеплавую энэргію, - растлумачыў Хмель.

Міністр ЖКГ удакладніў, што прагназуецца ўздым тарыфаў у 2023 годзе.

- Налета мы прагназуем уздым тарыфаў на ўсе жыллёва-камунальныя паслугі два разы: з 1 студзеня і з 1 чэрвеня, - сказаў Хмель.

І адзначыў, што рост тарыфаў залежыць ад даходаў насельніцтва і «не перавышае» 5 даляраў у эквіваленце за год.