УСУ ўразілі цэнтр кіравання дронамі РФ
5- 26.09.2022, 11:46
- 15,724
Магчыма, знішчаныя іранскія інструктары.
Узброеныя сілы Украіны ўчынілі выбухі ў цэнтры кіравання і падрыхтоўкі аператараў іранскіх дронаў, якія акупанты запускаюць па Адэсе. Выбух адбыўся ў Чулакоўцы на Херсоншчыне побач з Кінбурнскай касой, піша «Обозреватель».
Пра гэта паведамілі ў Тэлеграм-каналах 26 верасня. Інфармацыю пацвердзіў спікер Адэскай абласной ваеннай адміністрацыі Сяргей Братчук.
Адзначаецца, што захопнікі, магчыма, уважалі месца размяшчэння базы цяжкадаступным, аднак украінская выведка спрацавала на «выдатна» і перадала каардынаты для ўдару.
Афіцыйнай інфармацыі аб стратах РФ пакуль няма, аднак у сетцы напісалі, што былі знішчаныя мабілізаваныя з «ЛНР» акупанты і іранскія інструктары.