«Белавія» зменшыла норму багажу на прамых чартарах у Егіпет

З чым звязанае абмежаванне.

На рэйсах, якія "Белавія" выконвае ў Хургаду і Шарм-Эль-Шэйх без тэхнічнай пасадкі, зменшаныя нормы для правозу багажу, паведамляе прэс-служба авіякампаніі.

– Кожны пасажыр можа перавезці бясплатна адно месца вагой не больш за 14 кг і не больш за 158 см у суме трох вымярэнняў. Пасажырам, якія едуць разам, дазволена аб'яднаць багаж (пры гэтым 1 месца не павінна перавышаць у габарытах 158 см у трох вымярэннях і вагой 32 кг). Платная паслуга правозу дадатковых месцаў багажу не прапануецца, – паведаміў авіяперавознік.

Абмежаванне нормаў звязанае з навінкамі палётаў у Егіпет. З 16 верасня "Белавія" выконвае частку рэйсаў у Хургаду і Шарм-Эль-Шэйх без тэхнічнай пасадкі, па больш "спрамленым" маршруце. Такія палёты патрабуюць абмежавання лімітавай камерцыйнай загрузкі.

Для астатніх чартарных рэйсаў норма бясплатнага правозу багажу застаецца ранейшай – адно месца вагой не больш за 23 кг і не больш за 158 см у суме трох вымярэнняў, а таксама ёсць магчымасць аплаціць дадатковы багаж. Правілы правозу ручной паклажы таксама застаюцца без зменаў.