Як выглядаюць і колькі каштуюць аднапакаёвыя кватэры з рамонтам у Менску ў дамах не старэйшых за 2000 год

Кватэры знаходзяцца ў розных раёнах.

У падборцы realt.by ўсе дамы, дзе прадаюцца аднапакаёўкі, былі пабудаваныя пазней за 2000 год, а самі кватэры каштуюць танней за 60 тысяч даляраў. Паглядзіце, як яны выглядаюць.

Вуліца Грэкава (Заводскі раён)

Кватэра размяшчаецца на шостым паверсе дзевяціпавярховіка 2015 года пабудовы на Грэкава, 4. Агульная плошча аднапакаёўкі - 37,4 квадратнага мэтра, кухня займае 10,1 м².

У кватэры зроблены рамонт, які дазваляе пераехаць пасля набыцця або выкарыстоўваць аб'ект пад арэнду. У кухні знаходзіцца ўбудаваны гарнітур з кухоннай паверхняй і духавой шафай Samsung. У жылым пакоі стаіць ёмістая шафа-купэ. Да кватэры прылягае і зашклёная лоджыя.

На падлозе ляжыць ламінат.

Санвузел тут сумешчаны і змяшчае душавую кабіну, бідэ, пральную машыну і электранагравальнік.

Да станцыі метро "Партызанская" блізу 10 хвілін пешшу. Побач знаходзяцца дзіцячыя садкі, школы, паліклінікі, радзільны дом і харчовыя крамы. Недалёка размяшчаюцца зялёныя зоны ўздоўж водаканала Сляпянскай воднай сістэмы, у тым ліку паркі Чынгіза Айтматава, імя Грэкавай і 900-годдзя Менска.

Кошт кватэры - 59 900 даляраў.

Вуліца Лабанка (Фрунзенскі раён)

Дом на Лабанка, 64 быў пабудаваны ў 2021 годзе. Кватэра знаходзіцца на перадапошнім, 15 паверсе і займае 34,7 м², на кухню прыпадае 8,8 м².

Кватэра прадаецца з рамонтам, мэбляй і бытавой тэхнікаў. У ёй таксама ёсць прасторная лоджыя з панарамнымі вокнамі. Санвузел у кватэры сумешчаны, там стаіць ванна. На падлозе ляжыць лінолеюм.

Аўтар аб'явы піша, што зона для паркоўкі ў двары найбліжэйшым часам будзе замкнёная шлагбаўмам. У межах 10 хвілін знаходзіцца станцыя метро "Каменная Горка". Блізка размяшчаюцца лесапарк «Мядзведжына» і парк «Дзівівелка».

Кошт кватэры - 59 тысяч даляраў.

Вуліца Шаранговіча (Фрунзенскі раён)

Кватэра на Шаранговіча, 72 знаходзіцца на 9 паверсе ў доме 2001 года пабудовы. Яна займае 39,3 "квадрата" з кухняй 8,9 м².

Унутры зробленая добрая і свежая рэнавацыя. У кватэры ёсць убудаваная кухня са ўсёй неабходнай бытавой тэхнікай. Усталяваныя драўляныя шклопакеты. У пакоі на падлозе ляжыць ламінат, у калідоры і на кухні - плітка. Сучасныя міжпакаёвыя дзверы з магнітнымі язычкамі. У калідоры ўсталяваная ёмістая шафа-купэ. Ёсць у аднапакаёўцы і зашклёная лоджыя.

Санвузел тут паасобны.

У крокавай даступнасці знаходзяцца дзіцячыя садкі ды гімназія. Да метро "Каменная Горка" можна дапяць за 10 хвілін.

Кватэру ацэньваюць на 50 900 даляраў, але можна патаргавацца.

Вуліца Варанянскага (Кастрычніцкі раён)

Кватэра размяшчаецца на 13 паверсе ў цагляным доме 2003 пабудовы на вуліцы Варанянскага, 13/5. Яна займае 34,6 квадратнага мэтра, кухня - 8 м².

У кватэры зроблены добры рамонт, яна цалкам укамплектавана тэхнікай і мэбляй, што дазваляе адразу заехаць і жыць. Таксама ёсць зашклёная лоджыя і паасобны санвузел. На падлозе ляжыць ламінат.

Дом размяшчаецца паміж дзвюма станцыямі метро: "Інстытут Культуры" і "Кавальская Слабада". Побач ёсць дзіцячыя садкі ды школы з басэйнам, спартовыя сэкцыі, крамы, аптэкі, паліклінікі.

Кошт аднапакаёўкі – 54 900 даляраў.

Вуліца Каменнагорская (Фрунзенскі раён)

Дом на Каменнагорскай, 18 быў пабудаваны ў 2010 годзе. Кватэра, што тамака прадаецца, знаходзіцца на 9 паверсе. Яе агульная плошча - 40,4 «квадрата», кухня - 9,2 м².

Адзінка ў добрым стане і прадаецца з мэбляй. Тут, як і ў папярэдніх варыянтах, ёсць зашклёная лоджыя. Санвузел - паасобны. На падлозе пасланы лінолеюм.

Побач ёсць дзіцячыя садкі ды школы. Недалёка знаходзіцца станцыя метро "Каменная Горка". Зручны выезд на МКАД.

Кошт кватэры - 50 тысяч даляраў.