У Новай Кахоўцы УСУ разграмілі калону войскаў РФ на пераправе
3- 30.09.2022, 14:23
- 11,546
У неба ўзняўся высокі слуп чорнага дыму.
Жыхары Новай Кахоўкі паведамляюць аб чарговай серыі магутных выбухаў у горадзе.
У Херсонскай вобласці пасля 11 гадзін раніцы 30 верасня была абвешчаная паветраная трывога. Гучныя выбухі прагучалі ў Новай Кахоўцы, у сацсетках апублікаваны відэа з месца падзей: "выбухі" і высокі чорны слуп дыму, паведамляе stopcor.org.
Паведамляюць аб магутнай дэтанацыі, якая чуваць таксама ў Кахоўцы і Таўрыйску: магчыма, прылёт прыйшоўся па фурах з боекамплектам ворага.
З інсайдэрскай інфармацыі канала «Мікалаеўскі Ванёк», раніцай у Новай Кахоўцы назіраўся актыўны рух тэхнікі супраціўніка. Калона машын спрабавала пераправіцца на правы бераг Дняпра.
Уначы таксама была разбітая тэрыторыя навакахаўскага заводу «Электрамаш»: расейцы актыўна выкарыстоўвалі яго як сховішча тэхнікі і рамонтную базу.
During one of the strikes in Nova Kakhovka yesterday (~21:50 local time) buildings of “Elektromash” factory were targeted. It’s another big industrial zone extensively used by Russians.#Ukraine #Kherson pic.twitter.com/VsOSk3HNmr
— Special Kherson Cat 🐈🇺🇦 (@bayraktar_1love) September 30, 2022
Так што гараджан заклікаюць быць асцярожнымі, не набліжацца да месцаў узрываў і заставацца ў бяспечных месцах.
У сённяшняй справаздачы АК «Поўдзень» пацверджана, што ракетна-артылерыйскімі падраздзяленнямі УСУ на працягу апошняга дня было выканана 276 агнявых задач, у тым ліку па раёнах засяроджвання жывой сілы, узбраення і тэхнікі ворага ў Новай Кахоўцы, у наваколлях горада таксама двойчы атакаваныя калоны варожых машын.
