Раптоўная праверка боегатоўнасці лётчыкаў пачалася ў Беларусі

Паведамляецца аб наборы вайсковаабавязаных.

У адпаведнасці з планам падрыхтоўкі ВПС і войскаў СПА ў Беларусі пачалася раптоўная праверка баявой і мабілізацыйнай гатоўнасці вайсковай часці 06752, гаворыцца на сайце Міністэрства абароны. Праверка працягнецца месяц.

«Плануецца адпрацаваць многія пытанні, але асноўныя – набор і аднаўленне навыкаў вайсковаабавязаных, а таксама зняццё з захоўвання вайсковай і спецтэхнікі для праверкі яе боегатоўнасці», - паведамляе Мінабароны.