Кіраўнік Мінабароны Брытаніі: Ідуць цяжкія баі, але УСУ дамагаюцца рэальных поспехаў

Украінскія ваяры вызваляюць паўднёвыя рэгіёны.

Кіраўнік Мінабароны Вялікай Брытаніі Бэн Уолес заявіў, што УСУ дамагаюцца рэальных поспехаў, вызваляючы паўднёвыя рэгіёны Украіны. Пра гэта ён сказаў падчас выступу ў брытанскім парламенце, паведамляе Express (пераклад – nv.ua).

«Украіна нанесла сур'ёзную шкоду шэрагу рачных пераходаў з мэтай абмежаваць лагістычную падтрымку Расеі», – сказаў ён пра абстрэлы чатырох мастоў у часова акупаванай Херсонскай вобласці.

Уолес дадаў, што на гэты момант УСУ выкарыстоўваюць як артылерыйскія, так і наземныя аперацыі пры контрнаступе.

«Яны дамагаюцца рэальных поспехаў, але зразумела, як мы бачылі ў іншых месцах гэтага канфлікту, баі блізкія і цяжкія, і Украіна нясе страты, з'яўляючыся бокам, які атакуе», – кажа міністр.