У Гомелі на тэлевізіі прайшлі звальненні

Пад іх патрапіў вядомы мясцовы прапагандыст.

На Гомельскай тэлевізіі прайшлі звальненні, пад якія патрапілі 8 чалавек. Прычына "зачысткі", якая прайшла ў канцы мінулага года, пакуль невядомая.

Як піша “Флагшток”, сярод звольненых быў вядомы мясцовы прапагандыст Станіслаў Галкоўскі, які вёў на тэлевізіі праграму (цяпер у яе іншы вядоўца). Яго прозвішча знікла і са старонкі "Аўтары" на сайце газеты "Гомельскія ведамасці", дзе ён займаў пасаду намесніка галоўнага рэдактара.

Праверкі на тэлевізіі пачаліся пасля таго, як "зачысцілі" радыё 107.4 FM у Гомелі. У кастрычніку 2022-га там звольнілі траіх працаўнікоў праз згадкі ў жывым этэры вядомага расейскага журналіста і блогера Юрыя Дудзя.