21 лютага 2024, Серада, 1:22
Падтрымайце
сайт
Сім сім,
Хартыя 97!
Рубрыкі

The Telegraph: Брытанія можа перадаць Украіне знішчальнікі, але пры адной умове

8
The Telegraph: Брытанія можа перадаць Украіне знішчальнікі, але пры адной умове

Высокапастаўлены афіцэр Каралеўскіх ВПС назваў галоўны чыннік прыняцця пастановы.

Улады Вялікай Брытаніі маглі б ухваліць перадачу Украіне знішчальнікаў пасля выхаду расейскіх войскаў з акупаваных тэрыторый.

Пра гэта паведамляе The Telegraph са спасылкай на крыніцы. Выданне не ўдакладняе, з якіх пазіцый расейцы павінны выйсці.

Адна высокапастаўленая крыніца Каралеўскіх ВПС адзначыла, што цяпер гэтае пытанне не ў прыярытэце. Суразмоўцы выдання расказалі, што перадача самалётаў можа адбыцца, «калі Расея будзе выгнаная з Украіны, а ўкраінцам трэба будзе правесці місію паветранага кантролю, каб абараніць сваю паветраную прастору».

У той самы час іншая высокапастаўленая крыніца ў абароне занепакоеная тым, што Ваенна-Паветраныя сілы і Ваенна-Марскі флот (ВМС і ВМФ) не робяць істотнага ўнёску ў падтрымку УСУ. Адзначаецца, што «ўкраінцам патрэбны ўдзел усіх відаў Узброеных сілаў».

Аднак суразмоўцы ў ВМС і ВМФ растлумачылі, што іхняе ўзбраенне больш складанае ў выкарыстанні і патрабуе больш часу на падрыхтоўку. Акрамя таго, ВМФ Вялікай Брытаніі з лета 2022 вучыць украінцаў кіраваць двума міннымі тральнікамі класу Sandown.

Напісаць каментар 8

Таксама сачыце за акаўнтамі Charter97.org у сацыяльных сетках