Украінская артылерыя граміць бронягрупу РФ пад Вуглядарам

Ліквідаваныя дзясяткі расейскіх танкаў і бронемашынаў і больш за сотню акупантаў.

З пачатку новага наступу расейцаў на Вуглядар, украінскія вайскоўцы знішчылі больш за два дзясяткі расейскіх танкаў і бронемашынаў, больш за сотню акупантаў больш ніколі і нікому не прычыняць шкоды.

Адразу на некалькіх кірунках расейцы атакуюць Вуглядар. Пяты дзень, як на гэтым кірунку з новай сілай успыхнулі жорсткія, кругласутачныя супрацьстаянні. Акупанты кідаюць у бой рэзервы: пяхоту на брані пры падтрымцы танкаў. З дыстанцыі і сам Вуглядар, і навакольныя вёскі абстрэльваюць варожую ствольную і рэактыўную артылерыю, гаворыцца ў рэпартажы ТСН.

Напярэдадні ў суседняй з Вуглядарам Багаяўленцы, падчас удару рэактыўнымі «Градамі» загінулі дзве цывільныя асобы. «Да тры дні “Градамі”. І кожны дзень. Учора забітыя людзі. Жанчына, я не ведаю колькі ёй, напэўна, недзе гадоў 80. І мужчына, недзе – 60, бадай», – расказвае жыхарка Багаяўленкі.

У ваенных медыкаў на стабілізацыйным пункце бліжэй да перадавой з пачатку тыдня рэзка павялічылася колькасць працы. «Тры дні. Цяпер тры дні, пасля доўгага даволі, такога ціхага перыяду, за апошнія тры дні з'явілася больш працы. У сувязі з узмацненнем інтэнсіўнасці баявых дзеянняў. Ну, і наступу ворага», – кажа вайсковец стабілізацыйнага пункта УСУ Міхаіл.

На даляглядзе раздаюцца выбухі, усё вакол ахутана смугой і ў неба бесперапынна падымаюцца новыя слупы дыму – там украінскі Вуглядар. З вечару 24 студзеня расейцы пачалі там масаваную артпадрыхтоўку, наперад пасунула варожая пяхота. «Бронягрупа ў складзе танка і 3-4 БМП, яны так імкнуцца заходзіць і, гэта значыць, калі ўжо максімальна блізка пад'язджаюць яны да пазіцый і гэта дыстанцыя да 100–150 метраў, высаджваецца дэсант і так рухаецца, такімі перакатамі да нашых пазіцый», – апавядае вайсковец УСУ Фенікс.

Менавіта такімі бронягрупамі вораг атакуе адначасова з трох кірункаў – у лоб, уздоўж аўтадарогі, якая ідзе з Паўлаўкі на Мар'інку і з абодвух флангаў. Насупраць Мікольскага і Шаўчэнкі рака Кашлагач занадта вузкая і не ўяўляе сур'ёзных перашкодаў для расейцаў. З неба шмат разоў за дзень варожы наступ падтрымлівае франтавая авіяцыя. «Авіяцыя дзейнічае на адрэзку менавіта прарыву ворага. Пераважна на Вуглядарскім кірунку, на Паўлаўскім кірунку», – дадае Фенікс.

«Кожны дзень! Ну, больш за ўсё я лічыў – 9 разоў было, мерапрыемства», – кажа вайсковец стабілізацыйнага пункта УСУ Вячаслаў.

І па самім Вуглядары, і пазіцыях украінскіх вайскоўцаў вакол горада не перастае біць варожая артылерыя, асабліва «Грады». У наваколлях Вуглядара прадаўжаюцца сапраўдныя двубоі рэактыўнай артылерыі. Напярэдадні чвэрць пакета расейскіх рэактыўных ракетаў узарвалася паблізу пазіцыі нашых супрацьтанкістаў, а на стабпункт паступіла паведамленне: рыхтавацца прыняць параненага. Баявым медыкам спатрэбілася не больш за 20 хвілінаў, каб стабілізаваць вайскоўца, якому пры выбуху варожага «Града» адарвала пясце, правесці абязбольванне і падрыхтаваць параненага для эвакуацыі ў тылавы шпіталь. «Гэта супрацьтанкісты, хлопцы, якія былі на варце і чакалі гэтыя два танкі і два БМП, якія нам перадалі, што ворагі рухаюцца па Паўлаўцы», – кажа Вячаслаў.

За сваіх параненых субратоў украінскія ваяры прымусілі ворага заплаціць. З пачатку новага наступу расейцаў на Вуглядар вайскоўцы знішчылі больш за два дзясяткі расейскіх танкаў і бронемашынаў, больш за сотню акупантаў больш ніколі і нікому не прычыняць шкоды. «Спрабуем выціскаць іх з гэтых пазіцый менавіта артылерыяй, і найперш стралковымі баямі», – кажуць вайскоўцы.

Дзякуючы дакладнай працы артылерыстаў і пры падтрымцы з неба ўкраінскія пяхотнікі трымаюць фронт. Да ночы пятніцы інтэнсіўнасць варожага артылерыйскага агню вакол Вуглядара істотна знізілася.