Ваенны эксперт: Студзень 2023-га стаў рэкордным у колькасці ліквідаваных ва Украіне акупантаў

На гэта паўплывалі тры чыннікі.

Студзень 2023 года стаў рэкордным у колькасці знішчаных расейскіх акупантаў, піша ўкраінскі ваенны эксперт Аляксандр Каваленка.

Сёння гэты паказнік ліквідаваных ва Украіне расейцаў пераваліў за 20 тысячаў, а пасля заканчэння месяца відавочна будзе большы за 21 тыс. На рост гэтага паказніка паўплывалі тры чыннікі.

Першым чынам гэта, вядома ж, рост інтэнсіўнасці баявых дзеянняў. У той час як хтосьці чакаў ад зімы нейкай паўзы і замарозкі баявых дзеянні я, наадварот, быў упэўнены, што ўмовы надвор’я не паўплываюць на іх у ступені напалу і нават наадварот, моцныя маразы могуць дазволіць пашырыць фронт дзеянняў.

Другім чыннікам росту стратаў у расейскіх акупацыйных войскаў (РАВ) стала вялікая колькасць непрафесійных, дрэнна навучаных вайскоўцаў – «чмобікаў» і зэкаў у складзе ПВК «Вагнер». У сутнасці, што з першымі, што з другімі, асабліва з другімі, іх камандаванне паводзіць сябе як з быдлам на забой і не больш за тое.

Трэці чыннік – гэта адсутнасць у расейскіх войсках штатнай камплектацыі сярэдне і лёгкабраняванай тэхнікі. Асабліва мала яе цяпер назіраецца ў падраздзяленнях ПВК «Вагнер», якія вяртаюцца да сваіх пяхотных вытокаў. У сваю чаргу гэта прыводзіць да росту стратаў пры штурмах.

Таму няма нічога дзіўнага, што вынік бяздарнага і бесчалавечнага камандавання РАВ, адсутнасць прафесійнага і якаснага складніку ў падраздзяленнях і дэфіцыт тэхнікі прыводзяць сумарна вось да такіх рэкордаў у нейтралізацыі акупантаў.

І ў кантэксце гэтага хочацца ўзняць пытанне параненых, палонных і агульных стратаў за няпоўны месяц. Сапраўды, выніковыя страты ў РАВ за месяц на ўсіх пазіцыях: 200, 300, 400? Ужо дакладна не 30 тыс., і не думаю, што нават 40 тыс. А нават калі і так, агульныя страты 60 тыс. гэта ж...

Нават не ведаю. Страціць за студзень 60 тысячаў асабовага складу і паднесці Пуціну на сподачку нейкі Салядар... Сталін бы, напрыклад, за такое расстраляў бы парачку генералаў, а то і больш. Хоць у тактыцы і стратэгіі, пры адсутнасці мазгоў, страх бы нічога не змяніў.

Але нават не пра гэта гаворка, а пра тое, што пры такіх стратах камандаванне РАВ кожны месяц заклапочанае, у першую чаргу, пытаннем іх кампенсацыі, як людскіх, так і ў тэхніцы, а зусім не планамерным фармаваннем ударнай групоўкі для наступу 2.0.

Калі і гаварыць пра наступ 2.0, то ў выпадку яго пачатку неўзабаве камандаваннем РАВ ягоная падрыхтаванасць на лімітава нізкім узроўні і не дазволіць правесці захоп вялікіх тэрыторый, плошча да вобласці. А вось страты падраздзяленні РАВ панясуць крытычныя ва ўсіх паказніках.

Назіраем!