ДАІ «ўзмацніла нагляд» за дарожным рухам па ўсёй Беларусі

Стала вядома, дзе пройдуць рэйды да 30 кастрычніка.

Дзяржаўтаінспекцыя Беларусі аб'явіла аб узмоцненых мерах кантролю за выкананнем правілаў дарожнага руху (ПДР). Інспектары актыўна адпрацоўваюць аўтадарогі ў многіх раёнах краіны. На каго і дзе паабяцалі звяртаць асаблівую ўвагу да 30 кастрычніка? Расказвае «Тэлеграф».

Па ўсёй Беларусі - акцыя «Не будзь нябачным на дарозе!»

Па-першае, з 20 да 30 кастрычніка ДАІ аб'явіла акцыю «Не будзь нябачным на дарозе!». Яе мэта - прапаганда выкарыстання святлоадбівальных элементаў і камізэлек падвышанай бачнасці.

Падчас акцыі інспектары паабяцалі «ўзмацніць нагляд за дарожным рухам». Напрыклад, правесці рэйды ў «гадзіны пік» і цёмны час на:

- нерэгуляваных пешаходных пераходах;

- участках аўтамабільных дарог;

- вуліцах населеных пунктаў.

Там, «дзе найбольш высокая рызыка наездаў на пешаходаў і веласіпедыстаў».

Акрамя таго, супрацоўнікі ДАІ звернуць увагу і на выкананне правілаў дарожнага руху пешаходамі і веласіпедыстамі.

Берасцейкая вобласць

У сваю чаргу ДАІ Берасцейшчыны «ўзмацніла кантроль за выкананнем ПДР» у суботу 21 кастрычніка. Там надумалі правесці «адпрацоўку аўтамабільных дарог і населеных пунктаў на тэрыторыі Жабінкаўскага раёна».

А яшчэ абвясцілі пра рэйды «з адпрацоўкай аварыйна-небяспечных участкаў на аўтадарозе Р-6 «Івацэвічы - Пінск - Столін».

Прычым, інспектары папярэдзілі, што кантраляваць абстаноўку будуць у тым ліку на аўто без спецыяльнай афарбоўкі, а таксама паабяцалі выкарыстоўваць датчыкі кантролю хуткасці.

Гарадзенская вобласць

Тым часам у ДАІ Гарадзенскай вобласці таксама паведамілі аб «адпрацоўцы» дарог рэспубліканскага і мясцовага значэння на выходных 21-22 кастрычніка. Прычым, з дапамогай негалоснага і змешанага кантролю.

Мэта - «прафілактыка, а таксама зніжэнне цяжкасці наступстваў дарожна-транспартных здарэнняў з уразлівымі ўдзельнікамі дарожнага руху».

Так, узмоцнена кантраляваць паабяцалі, традыцыйна, вадзіцеляў у стане алкагольнага ап'янення, якія не маюць права кіравання.

А з-за "скарачэння светлавога дня", асаблівую ўвагу павінны надаць "кантролю за эксплуатацыяй грузавой тэхнікі і пасажырскага транспарту на лініі ў частцы адпаведнасці іх знешняга выгляду, тэхнічнага стану, а таксама наяўнасці дазволу на допуск да ўдзелу ў дарожным руху".

Менск

А ў ДАІ Менска расказалі аб сталічных рэйдах. Так, у Партызанскім раёне яны «накіраваны на спыненне парушэнняў правілаў спынення і стаянкі транспартных сродкаў».

«Асаблівая ўвага надаецца дварам, пешаходным пераходам, а таксама ўчасткам з абмежаванай бачнасцю, дзе ўзнікаюць перадумовы да ўзнікнення аварый з удзелам уразлівых удзельнікаў дарожнага руху», - папярэдзілі інспектары.

А ў Завадскім ДАІ кантралююць «аварыйна-небяспечныя ўчасткі дарог, паблізу пешаходных пераходаў і жылой забудовы».