Гарадзенец абстраляў з пнеўматычнага пісталета двух мужчын

Праз шум.

Інцыдэнт адбыўся ўвечары на выходных на вуліцы Паповіча ў Горадні.

Двое мужчын сядзелі на лавачцы каля пад'езда, распівалі алкаголь і шумелі. У нейкі момант адзін з іх адчуў боль у шыі, на зямлі ён убачыў шарык ад пнеўматычнага пісталета, а потым адчуў яшчэ некалькі стрэлаў.

Мужчына выклікаў міліцыю. Супрацоўнікі міліцыі ўстанавілі падазраванага. Ім выявіўся 40-гадовы жыхар Гародні. Ён патлумачыў, што кампанія шумела і замінала яму адпачываць, таму ён наважыў у іх стрэліць, паведамляе УУС Гарадзенскага аблвыканкаму.

Распачатая крымінальная справа паводле артыкула аб асабліва злосным хуліганстве. Яна прадугледжвае да 10 год пазбаўлення волі.