«Нік і Майк»: Пачнецца самае цікавае і кантрабанда цыгарэт здасца Лукашэнку дзіцячым лепетам

У раскладзе па калію цудоўна ўсё.

Сёння ў сіняпалага (Лукашэнкі - рэд.) нарада аб каліі, піша тэлеграм-канал «Нік і Майк».

Фармальна ў Еўрапейскі Звяз беларускі калій не пападае. Затое яго аб'ёмы замешчаныя пастаўкамі з Туркменістана і Узбекістана. Часам трапляецца нават ярданскі тавар.

Але сувязь з хунтай застаецца. Калій з розных краін, а дакументы паходжання на яго кляпае «самая сумленная» БелГПП.

У гэтым раскладзе цудоўна ўсё. Заяўнік ТАА «Новая біятэхналагічная кампанія» – новая пракладка хунты для сумнеўных аперацый. Сертыфікат БелГПП, які пацвярджае туркменскае паходжанне. І мытня, якія гэтыя дакументы прымае як сапраўдныя і праўдзівыя.

Але ёсць шанец, што такая прымітыўная ліпа рана ці позна перастане прымацца. І тады пачнецца самае цікавае, у параўнанні з чым кантрабанда цыгарэт здасца дзіцячым лепетам. Кантрабандны бізнэс не вечны.