У Менск прывезлі першыя аўтамабілі BAIC

Сталі вядомыя кошты.

У сталіцу прыехала першая партыя аўтамабіляў BAIC. Пакуль што беларусы могуць набыць седан U5 plus і красовер X35. Яшчэ некалькі мадэляў абяцаюць давезці, піша Onliner.

Седан U5 plus даступны зараз у двух камплектацыях, абедзве з АКПП. Аўтамабіляў на механіцы пакуль што няма. Пад капотам у седанаў 1,5-літровы 105-моцны матор. Прывад пярэдні. Памеры: 4660 мм у даўжыню, 1820 мм у шырыню, 1480 мм у вышыню. Кліранс - 155 мм. Пярэдняя падвеска — Макферсан, задняя тарсіённая бэлька. Дыскі R16. Разгон да 100 км/г - 12,5 з. Сярэдні выдатак паліва ў змяшаным цыкле - 7,4 (МКПП) і 7,7 (CVT). Кошты яшчэ фармуюцца, раней агучвалі, што кошт будзе пачынацца ад 61 935 рублёў.

Кампактны красовер X35 таксама даступны толькі з варыятарам і турбаванным 1,5-літровым маторам (136 л. з.), механіку абяцаюць давезці пазней. На выбар некалькі камплектацый, сярод якіх Fashion, Fashion Plus, Luxury. Топавая версія адрозніваецца дыскамі R17, наяўнасцю панарамнага даху з электрапрывадам, мультыфункцыянальным стырном з аздабленнем з экаскуры. Таксама ў Luxury 6 дынамікаў замест 4. Памеры красовер 4325/1830/1640 мм. Дарожны прасвет - 180 мм. Выдатак у змяшаным цыкле пры турбаванном маторы і варыятары - 7,5 л. Толькі пярэдні прывад. Раней агучаны кошт - ад 61 935 рублёў.

Афіцыйнае адкрыццё шоўрума BAIC яшчэ не адбылося. Ён будзе размяшчацца ў салоне на вул. Сярова, 1. Да канца года абяцаюць прывезці яшчэ адну мадэль. У 2024-м запланавана прэзентацыя некалькіх навінак.

Прадстаўнікі дылера агучылі кошты на мадэлі ў наяўнасці і тыя, што пакуль не прыехалі ў Беларусь. Прайс-ліст выглядае так:

седан U5 Plus - ад 69 000 рублёў (блізу 22 300 даляраў паводле курсу);

красовер Х35 - ад 76 000 рублёў (24 570 даляраў у эквіваленце);

красовер Х55 - ад 102 000 рублёў (амаль 33 000 даляраў);

рамны пазадарожнік Bj40 - ад 151 000 рублёў (прыкладна 48 820 даляраў).