Скандальная «Міс ДНР» адхрысцілася ад свайго «статусу» і ўзгадала пра вайну

Што адбылося?

Адыёзная блогер Аліна Андрыеўская з акупаванага Данецка, якую ў сеціве з сарказмам называюць «міс ДНР», накінулася на ўкраінскіх журналістаў. Прарасейская жыхарка Данецка шалее ад таго, што яе ахрысцілі вышэйзгаданым тытулам.

Зрэшты, яна свята верыць, што ўкраінцы робяць гэта ад зайздрасці праз яе яркую і эфектную знешнасць, піша obozrevatel.com.

Больш за тое, «Міс ДНР» упершыню загаварыла аб вайне. Праўда, у тым кантэксце, што конкурсы прыгажосці ў так званай «ДНР» не могуць праходзіць праз баявыя дзеянні. Разважаннямі аб сваёй папулярнасці ў інфармацыйнай прасторы Аліна падзялілася ў каментары прапагандысцкім СМІ.

«У нас вайна, конкурс праходзіць не можа, вы самі разумееце, з пэўных прычын. Таму мне тытул гэты ніхто не даваў», - заявіла Андрыеўская.

Вось толькі конкурс, нягледзячы на вайну, у рэгіёне праходзіў. У 2021 годзе, калі Андрыеўская ўпершыню пачала мільгаць у СМІ, адбылося шоў «Краса Данбаса». Перамогу тады атрымала дваццацігадовая жыхарка Горлаўкі Эліна Губушкіна, якую высмеялі ў сеціве, а яна пасля паехала на «Рускую прыгажуню-2021».

Андрыеўская шчыра не разумее, што тытул «міс ДНР» дастаўся ёй не з прычыны ўдзелу ў якім-небудзь конкурсе, а як магчымасць высмеяць яе страшную знешнасць, цынічныя погляды, адыёзныя паводзіны і прарасейскую пазіцыю. Акрамя таго, сама ж Аліна называе сябе «каралевай Андрыеўскай».

«Я не бяруся аналізаваць нізкія ўчынкі ўкраінскіх СМІ і тую інфармацыю, якую яны падаюць пра мяне. Вы самі разумееце, колькі там фэйкавай інфармацыі. Проста з таго, што кажуць навакольныя, - нібы ў ДНР я, мусіць, самая яркая дзяўчына. І паколькі яны, я так разумею, цяпер спрабуюць прынізіць не толькі мяне, але і іншых пераможцаў конкурсаў «Міс Расея»... Я думаю, проста я апынулася закладніцай сітуацыі, менавіта таму яны паспрабавалі з маёй знешнасці зрабіць сабе імя. Як кажуць, на мне прапіярыцца. Ну я пра гэта іх не прасіла!» - пакрыўдзілася «міс ДНР».