УСУ накрылі агнём 810-ю брыгаду расейскіх марпехаў проста падчас узнагароджання

Акупанты панеслі вялізныя страты ў дзень ракетных войскаў і артылерыі РФ.

Украінскія вайскоўцы нанеслі ўдар па збоі расейскіх марскіх пяхотнікаў у дзень ракетных войскаў і артылерыі РФ.

У выніку ўдару як мінімум 25 захопнікаў было знішчана, яшчэ блізу 100 атрымалі раны.

Удар па ворагу стаў помстай за байцоў 128-й брыгады, па якіх расейцы нанеслі ўдар у Запарожскай вобласці. Пра гэта ў Telegram паведаміў украінскі ваяр Робэрт Броўдзі з пазыўным «Мадзяр».

Са слоў украінскага вайскоўца, камісія, якая прыбыла на месца абстрэлу, спрабуе засакрэціць страты акупантаў, каманднага складу.

Таксама Мадзяр адзначыў, што ўкраінскія ваяры нанеслі ўдар па ворагу ў момант узнагароджання ў дзень ракетных войскаў і артылерыі РФ.

Баец УСУ адзначыў, што вялікія страты панесла 810-я асобная гвардзейская брыгада марской пяхоты РФ, якая дыслакуецца ў часова акупаваным Севастопалі.

«Адплата за 128-ю (брыгаду УСУ - рэд.). 25 «сведкаў Кабзона», больш за 100 дэфектавана (паранена - рэд.), Х - страты каманднага складу, строга засакрэчана прыбылай камісіяй», - распавёў «Мадзяр».

Украінскі вайсковец таксама паведаміў некалькі фактаў аб адплаце варожай 810 асобнай брыгадзе марской пяхоты:

УСУ стукнулі па ворагу праз два тыдні пасля нападу на 128-ю брыгаду;

атакавалі ворагаў на ўскрайку лесу, які быў нібыта старанна падрыхтаваны і замаскаваны;

камандаванне ворага спазнялася, аднак УСУ пачакалі.

«810-я, адчуваеце боль, мы дакладна ведаем. За нашых хлопцаў. За Закарпацкую асобную горна-штурмавую. Уважліва сочыце за некралогамі, асабліва ў пабліках з акупаванага Крыма. І вакол галоўнага шпіталя імя Бурдэнкі», - распавёў «Мадзяр».

«Мадзяр» зазначыў, што неўзабаве страты асабовага складу пацвердзяць самі расейцы, калі пачнуць публікаваць некралогі загінулых акупантаў.

Акрамя таго, «Мадзяр» анансаваў новыя ўдары па расейскіх захопніках.