Ваенны эксперт: Для расейскіх акупантаў пачынаюцца максімальныя цяжкасці

УСУ могуць прыціснуць агрэсараў на левабярэжжы Херсоншчыны.

Украінскія вайскоўцы дабіліся значных поспехаў на левабярэжжы Херсонскай вобласці. Абаронцы Украіны пасля павелічэння актыўнасці на левым беразе Дняпра могуць стварыць максімальныя цяжкасці для расейскіх акупантаў у будучыні.

Такое меркаванне выказаў ваенны эксперт Сяргей Грабскі ў эфіры тэлемарафону. Ён адзначае, што захопнікі, прытрымліваючыся сваёй традыцыйнай схемы, спрабуюць утрымаць усе тэрыторыі, якія цяпер знаходзяцца пад акупацыяй. І таму краіне-агрэсарцы Расеі даводзіцца «размазваць» свае войскі па вялікай тэрыторыі, памяншаючы іх шчыльнасць.

Паводле словаў эксперта, адной з мэтаў УСУ пры стварэнні плацдарма на левабярэжжы Херсоншчыны з'яўляецца дэзарыентацыя расейскіх акупантаў і памяншэнне шчыльнасці войскаў РФ на Запарожскай кірунку.

Грабскі адзначае, што пакуль не выпадае гаварыць пра нейкія маштабныя наступальныя аперацыі ўкраінскіх войскаў. Але ў будучыні могуць узнікнуць умовы, пры якіх украінскае войска можа развіваць лакальныя наступальныя дзеянні менавіта па гэтым кірунку.

«Мэтай можа быць максімальна наблізіцца да Крыма, з якога ажыццяўляецца забеспячэнне расейскіх войскаў, што дзейнічаюць у Паўночнай Таўрыі. Таму набліжэнне да Крыма ўкраінскіх агнявых сродкаў сур'ёзна паўплывае на магчымасць забеспячэння групоўкі ворага, якая дзейнічае на паўночна-таўрыцкім кірунку, і таму гэта даволі сур'ёзная пагроза», – заявіў Грабскі.

Паводле ягоных словаў, не варта выключаць варыянту, што ў будучыні ў выпадку насычэння інжынернай тэхнікай украінскія войскі могуць пачаць праводзіць наступальныя аперацыі на гэтым кірунку.