Лаўроў накіраваны на «прасоўванне» расейскай мовы ў Беларусі

Што плануе рабіць.

Кіраўнік Міністэрства замежных справаў Расеі Сяргей Лаўроў прыгразіў «абрусеннем» усім краінам-суседкам РФ.

Пра зацікаўленне Масквы ў прасоўванні расейскай мовы чыноўнік заявіў у рамках 41-га пасяджэння Рады кіраўнікоў суб'ектаў РФ.

Падчас сваёй прамовы Лаўроў акцэнтаваў, што Расея мае намер «навязваць» расейскую мову шляхам пашырэння адукацыйных праграмаў, перш за ўсё ў памежных з РФ краінах.

Таксама ён указаў, што частку намаганняў Расея накіруе на тое, каб працоўныя мігранты вывучылі расейскую.

«Мы зацікаўленыя ў прасоўванні пазіцый расейскай мовы, перш за ўсё ў памежных з Расеяй краінах, а таксама ў пашырэнні адукацыйных праграмаў на расейскай мове з прыцэлам у тым ліку на навучанне працоўных мігрантаў», – сказаў ён.