Пакупнік Forbes не змог сабраць патрэбнай сумы

Угода скасаваная.

Forbes Global Media Holdings, матчына кампанія часопіса Forbes, скасаваў угоду з продажам часопіса і звязанага з ім сайта 28-гадоваму амерыканскаму бізнэсмэну Осціну Расэлу. Пра гэта паведамляе Axios.

У электронным лісце супрацоўнікам генеральны дырэктар Forbes Майк Федэрле заявіў, што «скасаванне гэтага продажу не паўплывае на нашу паўсядзённую дзейнасць або бізнэс-мэты, наш непараўнальны сусветны брэнд».

Прадавец, кампанія Integrated Whale Media Investments, якая базуецца ў Ганконгу, скасавала дамову з Расэлам. Той павінен быў закрыць угоду яшчэ 1 лістапада, прыкладна праз шэсць месяцаў пасля таго, як было абвешчана пра ягоную прапанову, але не змог сабраць на гэта грошы.

«Цягам многіх гадоў у нашай кампаніі не было нястачы ў інвестыцыйным інтарэсе, і мы прадоўжым разглядаць іншыя магчымасці, якія могуць дапамагчы паскорыць нашу стратэгію росту», – заявіў Федэрле.

У рамках угоды Forbes Global Media ацанілі на $ 800 млн, што прыкладна на 30% перавышае рэальны кошт Forbes. У самога бізнэсмэна такіх грошай не было і няма, а фундатараў ён знайшоў.

Частку сумы, прыкладна $300 млн, нібыта павінна была даць індыйская Sun Group і яе віцэ-прэзідэнт Шыў Хемко, але гэтыя грошы аказаліся пад пытаннем праз сувязь з Расеяй і Кітаем.

Яшчэ адным інвестарам угоды называлі кенійскага прадпрымальніка Джуліуса Мвале.

Пры гэтым расейскі бізнэсмэн Магамед Мусаеў выхваляўся, што за ўгодай на самай справе стаіць ён, сказаў, што не інвестуе ў Forbes ніводнага даляра.