ISW: УСУ правялі паспяховую контратаку пад Аўдзееўкай
- 28.11.2023, 10:07
- 8,544
Аб поспехах украінцаў пішуць і расейскія прапагандысты.
У Генеральным штабе Украіны заявілі, што напярэдадні УСУ адбілі да 30 атак каля Новабахмутаўкі, Бердзічаў, Новакалінава, Тоненькага, Стэпавага, Першамайскага і Аўдзееўкі.
Вяшчальнік Таўрыйскай групоўкі войскаў Украіны Штупун заявіў, што войска Пуціна далей ідзе ў бой невялікімі групамі па 10-20 чалавек.
Аналітыкі з Інстытута вывучэння вайны абвясцілі сітуацыю на Аўдзееўскім кірунку. Са слоў Штупуна, вораг наступае адразу на 6 кірунках пад Аўдзееўкай. Цяжкія баі ідуць у ваколіцы прамысловай зоны на паўднёвым усходзе і каля коксахімічнага завода на паўночным усходзе. Пры гэтым расейскія ваенныя карэспандэнты сцвярджаюць, што УС РФ захапілі ўсю прамысловую зону і выйшлі на паўднёва-ўсходнюю ўскраіну Аўдзееўкі. Тут баі вядуць акупанты са штурмавой брыгады "Ветэран", якая ўваходзіць у склад ПВК "Рэдут".
Штупун заявіў, што праз непагадзь армія ворага скараціла колькасць артылерыйскіх абстрэлаў, а таксама выкарыстанне на гэтай дзялянцы фронту беспілотнікаў. Пры гэтым ВКС РФ усё яшчэ вельмі актыўныя. Z-блогеры пацвердзілі паспяховую контратаку УСУ ля Стэпавага. Пры гэтым таксама пішуць, што не мелі поспеху контратакі ў ваколіцы прамысловай зоны.