Мэдыі: Жонку Буданава атруцілі
37- 28.11.2023, 11:08
- 34,396
![Мэдыі: Жонку Буданава атруцілі](https://i.c97.org/ai/573309/aux-head-1701158879-20231128_marianna_budanova_360.jpg)
Жонка кіраўніка ўкраінскай выведкі знаходзіцца ў шпіталі.
Жонку кіраўніка Галоўнай управы выведкі Мінабароны Украіны Мар'яну Буданову атруцілі цяжкімі металамі. Яе шпіталізавалі пасля працяглага пагаршэння здароўя, піша «Бабель» са спасылкай на крыніцы ў выведцы.
"Цяпер заканчваецца курс лячэння, далей кантроль лекараў", – расказаў суразмоўца ў ГУВ і дадаў, што жанчыне дыягнаставалі пашкоджанне цяжкімі металамі.
У выведцы таксама дадалі, што такія рэчывы ўвогуле не выкарыстоўваюцца ні ў побыце, ні ў вайсковай справе.
"Іх наяўнасць можа сведчыць пра мэтанакіраваную спробу атручвання канкрэтнага чалавека", – дадалі ў ГУВ.