Японскі суд вынес прысуд паводле справы аб трансплантацыі органаў у Беларусі

Сярод трох праапераваных японцаў толькі адзін застаўся жывы.

Акруговы суд Токіё вынес прысуд Хірамічы Кікучы, які кіруе некамерцыйнай арганізацыяй, якая падтрымлівае пацыентаў з цяжкімі захворваннямі. Ён асуджаны на 8 месяцаў турэмнага зняволення за арганізацыю аперацый у трансплантацыі органаў за мяжой без дазволу ўрада, паведамляе NHK.

Мужчына займаўся арганізацыяй аперацый у трансплантацыі органаў у Беларусі. Абвінавачанне намагала на тым, што ён арганізаваў аперацыі для двух пацыентаў без дазволу ўрада. Кікучы Хірамічы не прызнаў сябе вінаватым. Суд таксама прызначыў некамерцыйнай арганізацыі штраф сумай 1 млн ен.

Кікучы падаў апеляцыю ў найвышэйшую інстанцыю.

Мужчыну затрымалі сёлета ў лютым. У сакавіку яму было выстаўленае абвінавачанне.

Сярод праапераваных у Беларусі трох грамадзян Японіі толькі 50-гадовы мужчына застаўся жывы. Яму была зроблена аперацыя ў перасадцы ныркі. За паслугу ён заплаціў блізу 18 500 000 ен, што больш чым удвая перавышае рынкавы кошт, паведамілі ў паліцыі.