Паміж Лукашэнкам і Казахстанам разгарэлася «транспартная вайна»

Дыктатар пакрыўдзіўся на Такаева?

З 26 лістапада пачала дзейнічаць пастанова Мінтранса, паводле якой для перагрузкі або перачэпкі ў спецыяльна ўстаноўленых месцах дазволена заязджаць грузавым аўтамабілям і цягачам, зарэгістраваным у Беларусі і Расеі. Фурам на еўрапейскіх нумарах, а таксама такому транспарту з іншых дзяржаў Еўразійскага эканамічнага саюза таксама па-ранейшаму можна прыбываць на перачэпку. Аднак для фур з некаторых краін ЕАЭС, здаецца, усё ж увялі абмежаванні. Размова ў тым ліку аб транспарце з Казахстана. Паміж Менскам і Астаной нядаўна зноў разгарэлася транспартная вайна. Але так супала, што напярэдадні прэзідэнт Казахстана Касым-Жамарт Такаеў выступіў з крытыкай Аляксандра Лукашэнкі. "Зеркало" разбіралася, што азначае цяперашняя пастанова Мінтранса і як гэты дакумент можа адбіцца на працы кампаній-грузаперавозчыкаў.

У кол-цэнтры Берасцейскана філіяла "Белмытсэрвіс", на транспартна-лагістычныя цэнтры якога прыязджаюць фуры для перачэпкі або перагрузкі, журналісту "Зеркало", які тэлефанаваў як перавозчык, паведамілі, што для грузавікоў на еўрапейскіх нумарах, якія едуць да нас з-за мяжы, новы дакумент нічога не мяняе.

- Напрыклад, на польскіх, літоўскіх аўто да нас едуць. Нельга заязджаць [у “спецыяльна адведзеныя месцы"] на казахскіх аўто, якія едуць не транзітам, — паведаміла супрацоўніца кол-цэнтра.

У пункце мытнага афармлення "Брэст-Белмытсэрвіс-2" дадалі, што новая пастанова Мінтранса не тычыцца фур, якія едуць на еўрапейскіх нумарах.

- Гэты [дакумент] толькі для транспартных сродкаў, якія заязджаюць з нашага боку. А як інакш? Напрыклад, вы хочаце прывезці польскі тавар, а як вы [еўрапейскі перавозчык], не заехаўшы да нас, гэты тавар перадасце? Гэта ж тады поўная забарона атрымаецца, - растлумачыў прадстаўнік пункта мытнага афармлення.

Аналагічна дзеянне дакумента растлумачыў Office Life намеснік дырэктара ў рэгіянальным развіцці STALOGISTIC Ігар Кавалёў. Экспэрт зазначыў, што дакумент абмяжоўвае краінай рэгістрацыі машыны, якія могуць прыязджаць у беларускія пункты перагрузкі/перачэпкі і забіраць тавары на нашым баку для дастаўкі ў Беларусь, Расею, краіны ЕАЭС.

Ігар Кавалёў паведаміў, што пастанова не тычыцца машын, якія прыбываюць з аўтадарожных пунктаў пропуску на мяжы, - размова аб еўрапейскіх грузавіках. Таксама дакумент не тычыцца машын, якія едуць (з Азіі, Казахстана, Узбекістана) з грузам у рэжыме мытнага транзіту.

Аднак калі казахская машына прыбудзе пустая, каб забраць груз з беларускага пункта перачэпкі, то яна гэтага зрабіць не зможа, таму што ў нашых пунктах перачэпкі за грузам для далейшай дастаўкі пакінутыя толькі машыны з беларускай і расейскай рэгістрацыяй, зазначае экспэрт.

- Цяжка сказаць, наколькі папулярныя былі перавозкі, калі аўто з СНД прыязджалі за таварам на перачэпку пустыя, - разважае Ігар Кавалёў. - Хутчэй, гэта выключэнні. Мы для дастаўкі з пунктаў перачэпкі выкарыстоўваем толькі беларускія ці расейскія машыны, і для нас гэта не крытычна. Можна меркаваць, што пастанова закране інтарэсы кампаній, у якіх частка машын на казахскіх ці іншых нумарах.

З адзнакі экспэрта, машыны іншых рэгістрацый дагэтуль прыходзілі на перачэпку, хутчэй за ўсё, не парожнія. Таму пастанова Мінтранса № 44 не ўносіць блытаніну ў бягучыя схемы дастаўкі, але ўдакладняе, хто можа падаваць машыны для грузавых аперацый.

Нагадаем, Беларусь з 16 красавіка 2022 года забараніла ўязджаць у краіну аўтаперавозчыкам, зарэгістраваным у ЕЗ. Дзяржаўны мытны камітэт вызначыў 14 пунктаў пропуску, праз якія еўрапейскія грузавікі могуць ісці ў спецыяльна ўстаноўленыя месцы для ажыццяўлення грузавых аперацый і перачэпкі. Пазней, у адказ на закрыццё пунктаў пропуску Польшчай, у Мінтрансе дазволілі ўезд у Беларусь для перачэпкі толькі з тэрыторыі сваёй краіны.

У пачатку чэрвеня 2022 года стала вядома, што ў Казахстане скасавалі забарону на перачэпку для грузаперавозчыкаў з Расеі і Беларусі. Тады гэту пастанову тлумачылі “праявай разумення і добрай воляй”. А ў траўні 2023 года Міністэрства індустрыі і інфраструктурнага развіцця Казахстана дазволіла беларускім перавозчыкам прымяняць схему перачэпкі і перагрузкі да 1 студзеня 2024 года.

Аднак у кастрычніку 2023 года Казахстан зноў увёў забарону на перачэпку для беларускіх перавозчыкаў.