УСУ разварушылі «гняздо» расейцаў у Такмаку
- 28.11.2023, 17:05
- 9,564
![УСУ разварушылі «гняздо» расейцаў у Такмаку](https://i.c97.org/ai/456505/aux-head-1645903194-20220226_ukr_360.jpg)
Сталі вядомыя дэталі магутных выбухаў.
У часова акупаваным Такмаку Запарожскай вобласці расейскія акупанты атрымалі магутны ўдар ад Узброеных сілаў Украіны.
Гаворка ідзе пра «прылёт» у будынак, які знаходзіцца ў цэнтры горада, ворагі яго даўно выкарыстоўвалі для сваіх мэтаў, падзяліўся мэр захопленага Мелітопаля Іван Фёдараў у сваім Telegram-канале, спасылаючыся на звесткі мясцовых. Паводле ягоных звестак, дакладная колькасць знішчаных ворагаў удакладняецца.
«...“Палкія віншаванні” ад УСУ прымалі акупанты ў прыфрантавым Такмаку... прыляцела ў будынак у цэнтры горада, які акупанты даўно выкарыстоўвалі ў сваіх мэтах», – гаворыцца ў паведамленні ўкраінскага чыноўніка.
Фёдараў дадаў, што пасля выбухаў ворагі замітусіліся – эвакуявалі параненых і рэчы.