Менскі аэрапорт засыпае снегам
1- 29.11.2023, 16:24
- 4,950
![Менскі аэрапорт засыпае снегам](https://i.c97.org/ai/573489/aux-head-1701264255-20231129_aeroport_minsk_360.jpg)
Могуць быць змены ў раскладзе.
Снегаўборачная тэхніка на ўзлётна-пасадачнай паласе і пероне працуе практычна бесперапынна.
Паводле прагнозаў сіноптыкаў, у найбліжэйшыя суткі ў сталічным рэгіёне чакаюцца моцны снег, мяцеліца, на асобных адрэзках дарог – галалёдзіца.
Снегаўборачная тэхніка на ўзлётна-пасадачнай паласе і пероне працуе практычна бесперапынна, праводзіцца расчыстка і апрацоўка аэрадромных пакрыццяў ад снегу і наледзі. У такіх працах задзейнічана блізу 30 адзінак спецтэхнікі, паведамляе Менскі аэрапорт у сваім тэлеграм-канале.
Аэрапорт працуе штатна, рэйсы выконваюцца ў адпаведнасці з сутачным планам палётаў. Але магчымыя кароткачасовыя адхіленні ў раскладзе.
Таму пасажырам рэкамендуюць браць да ўвагі ўмовы надвор’я і планаваць паездку ў аэрапорт загадзя, бо дарожны рух можа быць абцяжараны.