У Менску пасажырскі аўтобус рэзнуўся ў прыпаркаваныя аўтамабілі

Кіроўцу стала дрэнна.

ДТЗ з удзелам пасажырскага аўтобуса адбылося сёння раніцай у Заводскім раёне Менска. Кіроўцу аўтобуса стала дрэнна. У выніку ў раёне вуліцы Ілімскай ён не справіўся з кіраваннем і заехаў у прыпаркаваныя ля ўзбочыны аўтамабілі. Пашкоджаны 4 аўто.

Кіроўца зараз у шпіталі - яго для абследавання забралі медыкі. У ДАІ не ўдакладнілі, ці былі ў момант здарэння ў салоне аўтобуса пасажыры. Аб пацярпелых пасажырах не паведамляецца.