«Асцярога расейцаў на Херсоншчыне нарастае»

Акупанты нічога не могуць зрабіць з украінскім плацдармам.

Расейскае войска не можа нічога зрабіць з украінскім плацдармам на левым беразе Дняпра ў Херсонскай вобласці. Агрэсар спрабуе перакідаць туды дадатковыя сілы, баючыся пагаршэння сітуацыі, распавёў у Telegram ваенны аглядальнік Аляксандр Каваленка.

«Камандаванне расейскіх акупацыйных войскаў так і не можа знайсці аптымальнае развязанне праблемы левага берага, кантроль Сіл абароны Украіны на якім пашыраецца. І ў той час як усеагульная ўвага прыкаваная да Крынак, у якіх у рэжыме нон-стоп гарыць расейская тэхніка, цікавыя і вельмі дзіўныя справы маюць месца быць крыху заходней», – піша ён у сваім Тэлеграм-канале.

Праблемнымі адцінкамі для расейцаў Каваленка называе таксама раёны на захад ад Алёшак і Падлеснае. Паводле ягоных слоў, агрэсар перакінуў на дняпроўскі кірунак дадатковыя сілы з Запарожскага адцінку фронту, а таксама з Крыма. Цяпер гэтая групоўка налічвае:

блізу 70 тысяч асабовага складу;

блізу 380 танкаў;

да 1 тысячы ББМ;

500 адзінак рулевай артылерыі;

да 100 РСЗА.

Аналітык акцэнтуе, што расейцам пакуль удаецца нарошчваць тут колькасць асабовага складу, але прыкметнага прыросту ў вайсковай тэхніцы так і не адбылося.

«З гэтага можна зрабіць простую выснову, што неспакой у шэрагах камандавання групы войскаў «Дняпро» разрастаецца па ўсё большай працягласці левага берага. І яно не дзіўна, бо практычна ўсе тыя адцінкі, пра якія мы казалі вышэй, маюць вельмі абмежаваную лагістыку, пераразанне якой з'яўляецца для расейцаў фатальным», - канстатуе Каваленка.