Z-прапагандысты: Крэмль патрабуе ад Лукашэнкі боепрыпасы

Карэйскія набоі ў дрэнным стане.

Z-прапагандысты пішуць, што Мінабароны РФ накіравала афіцыйны запыт у Беларусь з просьбай павялічыць адгрузку набояў для патрэб расейскага войска. Прычынай гэтага стаў непрымальны стан боепрыпасаў, перададзеных ведамству Сяргея Шайгу Паўночнай Карэяй.

Як пішуць крамлёўскія прапагандысты, пры праверцы набояў КНДР высветлілася, што ў боепрыпасах з аднолькавай маркіроўкай выкарыстоўваюцца розныя віды пораху, а ў многіх набоях адсутнічае размядніцель, што прыводзіць да нераўнамернага разлёту набояў, крытычнага зніжэння дакладнасці агню і скарачэння рэсурсу гармат.

РФ у аўральным парадку шукае, чым замяніць бракаваныя набоі. Ці зможа Масква ў чарговы раз дапамагчы Лукашэнку - пытанне. Пасля масавых адгрузак у 2022 годзе ў Беларусі засталася вельмі малая колькасць боепрыпасаў.