Самы кароткі візіт Лукашэнкі

Можна ставіць кропку ў размове пра рэальныя перспектывы ўсяго афрыканскага турнэ.

Візіт у Кенію ўвойдзе ў гісторыю як самы кароткі візіт Лукашэнкі, які працягнуўся ўсяго некалькі гадзін. У праграме засталася пратакольная сустрэча і вячэра. Можа сабе дазволіць злётаць у Кенію на вячэру з Гвінеі, каб тэрмінова вярнуцца ў больш камфортныя Эміраты, піша Telegram-канал "Нік і Майк".

Магчыма, віной усяму стала тое, што ў адной з чарговых самых "перспектыўных краін Афрыкі" далёка не першы раз за год знікае электрычнасць. Блэкаўт нацыянальнага маштабу, які стаў непераадольнай перашкодай для сіняпалага. Без кандыцыянераў клімат яго даб'е - і так з трапа самалёта было спусціцца цяжка.

Афрыканскае турнэ не дадало ні здароўя, ні настрою. За адсутнасць электрычнасці ў Кеніі яшчэ будзе разбор палётаў з арганізатарамі візіту. Дастанецца салодкай афрыканскай парачцы Аляксандру Зінгману і Віктару Шэйману.

Можна ставіць кропку ў гутарцы аб рэальных даляглядах усяго афрыканскага турнэ, роўна як і адзнацы надзейнасці “еўрапейскага” партнёра. Лукашэнка не каланізатар, гэта праўда. Яны - посткаланізатары, дакладней - проста хапугі, якім галоўнае сарваць папярэднюю аплату за свой неліквід сумнеўнага паходжання і такой жа якасці.

Застаецца прывесці сябе ў парадак у Эміратах і вяртацца пакуль яшчэ ў Беларусь.