Украінскія ваяры прадаўжаюць утрымліваць пазіцыі на левабярэжжы Дняпра

Сітуацыя на фронце 11 снежня.

Украінскія ваяры прадаўжаюць утрымліваць пазіцыі на левабярэжжы Дняпра, адбілі атакі расейцаў паблізу Аўдзееўкі і знішчылі варожы пункт кіравання.

Пра гэта паведамляе Charter97.org са спасылкай на зводку Генеральнага штаба УСУ.

Расейскія абстрэлы

Расейская Федэрацыя прадаўжае весці захопніцкую вайну. Нягледзячы на значныя страты, не адмаўляецца ад планаў поўнай акупацыі Украіны. Праціўнік і надалей ігнаруе законы і звычаі вайны, выкарыстоўвае тактыку тэрору, наносіць удары, ажыццяўляе абстрэлы як ваенных, так і цывільных аб'ектаў.

Аператыўная абстаноўка на ўсходзе і поўдні Украіны застаецца складанай. Цягам дня адбылося 73 баявыя сутыкненні.

Вораг нанёс 10 ракетных і здзейсніў 46 абстрэлаў з рэактыўных сістэмаў залпавага агню па пазіцыях украінскіх войскаў і населеных пунктах. З прычыны расейскіх тэрарыстычных нападаў, на жаль, ёсць загінулыя і параненыя сярод цывільнага насельніцтва. Разбурэнні і пашкоджанні зазналі прыватныя жылыя дамы і іншая цывільная інфраструктура.

Сітуацыя на франтах

На Валынскім і Палескім кірунках аператыўнае становішча без істотных зменаў. Прыкметаў фармавання наступальных груповак не выяўлена. Пэўныя падраздзяленні Узброеных сілаў Беларусі выконваюць задачы ў памежных з Украінай раёнах.

На Северскім і Слабажанскім кірунках праціўнік захоўвае ваенную прысутнасць у памежных раёнах, праводзіць дыверсійна-выведную дзейнасць, ажыццяўляе абстрэлы населеных пунктаў з тэрыторыі РФ, нарошчвае шчыльнасць мінна-выбухных загародаў уздоўж дзяржаўнай мяжы Украіны.

Артылерыйскія і мінамётныя абстрэлы ворага зазналі блізу 15 населеных пунктаў, сярод іх Клюса Чарнігаўскай вобласці; Зноб-Наўгародскае, Папоўка, Парахонь Сумскай вобласці; Ахрымоўка, Ваўчанск, Бударкі, Пляценеўка Харкаўскай вобласці.

На Купянскім кірунку ўкраінскія абаронцы адбілі 2 атакі ворага ў раёне Сінькоўкі Харкаўскай вобласці. Пад артылерыйскім і мінамётным агнём апынуліся блізу 10 населеных пунктаў, сярод іншых Дварычная, Сінькоўка, Петрапаўлаўка, Іванаўка, Бераставое Харкаўскай вобласці.

На Ліманскім кірунку, Сілы абароны адбілі 8 нападаў ворага ў раёнах Спірнага і Вясёлага Данецкай вобласці.

Ад варожых артылерыйскіх і мінамётных абстрэлаў пацярпелі блізу 10 населеных пунктаў, сярод іх Неўскае, Белагораўка Луганскай вобласці і Торскае, Серабранка, Верхнякаменскае, Спірнае, Раздоліўка Данецкай вобласці.

На Бахмуцкім кірунку сіламі абароны адбіты 13 нападаў ворага ў раёнах Багданаўкі, Клішчыеўкі, Андрэеўкі і Севернага Данецкай вобласці. Пад артылерыйскім і мінамётным агнём апынуліся блізу 10 населеных пунктаў, сярод іншых Маркава, Клішчыеўка, Андрэеўка, Нью-Ёрк Данецкай вобласці.

На Аўдзееўскім кірунку ўкраінскія абаронцы адбілі 36 нападаў ворага ў раёнах на ўсход ад Новабахмутоўкі, Аўдзееўкі, на поўдзень ад Севернага, на поўдзень ад Тоненькага, Первамайскага і Невельскага Данецкай вобласці, дзе вораг беспаспяхова спрабаваў прарваць абарону ўкраінскіх войскаў.

Артылерыйскія і мінамётныя абстрэлы ворага зазналі больш за 10 населеных пунктаў, сярод іх Стэпавы, Аўдзееўка, Карлаўка, Первамайскае Данецкай вобласці.

На Мар'інскім кірунку, Сілы абароны прадаўжаюць стрымліваць ворага ў раёнах Мар'інкі, Краснагораўкі і Новаміхайлаўкі Данецкай вобласці, дзе вораг здзейсніў 12 беспаспяховых нападаў на пазіцыі ўкраінскіх абаронцаў.

Пад артылерыйскі і мінамётны агонь акупантаў трапілі: Георгіеўка, Канстанцінаўка, Мар'інка, Пабеда, Новаміхайлаўка Данецкай вобласці.

На Шахтарскім кірунку вораг наступальных (штурмавых) дзеянняў не вёў. Артылерыйскія і мінамётныя абстрэлы зазналі блізу 10 населеных пунктаў, сярод іншых Вуглядар, Залатая Ніва, Ураджайнае Данецкай вобласці.

На Запарожскім кірунку сілы абароны адбілі 3 атакі праціўніка ў раёнах на поўнач ад Прыютнага і на захад ад Новапакроўкі Запарожскай вобласці.

Артылерыйскія і мінамётныя абстрэлы зазналі больш за 20 населеных пунктаў, сярод іх Ляваднае, Малінаўка, Гуляйполе, Чарыўна, Малая Такмачка, Рабоціна, Каменскае Запарожскай вобласці.

На Херсонскім кірунку артылерыйскім абстрэлам ворага зазналі Антонаўка Херсонскай вобласці і горад Херсон.

Наступ УСУ

Сілы абароны Украіны надалей утрымліваюць пазіцыі на левабярэжжы Дняпра ў Херсонскай вобласці. Прадаўжаюць наносіць расейскім захопнікам агнявую паразу.

Страты ворага

Цягам дня авіяцыя сілаў абароны нанесла 2 удары па раёнах засяроджвання асабовага складу, узбраення і ваеннай тэхнікі ворага.

Падраздзяленні ракетных войскаў нанеслі паразу па двух раёнах засяроджвання асабовага складу, узбраення і ваеннай тэхнікі, 1 складзе боепрыпасаў, 1 пункун кіравання і 1 артылерыйскім сродку ворага.