Для беларусаў значна павысілі працэнтныя стаўкі ў крэдытах

Колькі цяпер давядзецца плаціць у розных банках?

Банкі перагледзелі працэнтныя стаўкі на некаторыя крэдыты, у тым ліку на нерухомасць. У большасці выпадкаў іх павысілі, піша zerkalo.io.

Павышэнне ставак у крэдытах з 1 снежня звязана з пастановай Нацбанка. Так, рэгулятар у лістападзе гэтага года павысіў разліковыя велічыні стандартнай рызыкі (РВСР), якія будуць дзейнічаць у снежні. Гэта працэнтная столь у банкаўскіх крэдытах, у першую чаргу – на нерухомасць. На снежань РВСР для фізічных асоб вырасла да 15,25% (была – 14,61%), а для юрыдычных асоб – да 10,99% (была – 10,82%). На гэтую столь павінны арыентавацца банкі, калі выстаўляюць працэнтныя стаўкі ў крэдытах, іх нельга перавышаць.

Аб павышэнні працэнтных ставак па крэдытах з 1 снежня аб'явіў «Белаграпрамбанк». «Практычным па ўсіх крэдытах павысілі працэнтныя стаўкі», – удакладнілі ў кантакт-цэнтры банка. Напрыклад, пазыку на будаўніцтва і куплю нерухомасці фінустанова гатова выдаць пад 10,9% гадавых у першыя 180 дзён, а з 181-га – пад 14,6% (стаўка рэфінансавання + 5,1 працэнтнага пункта). Раней – пад 9,9% і 14,1% адпаведна.

«Белгазпрамбанк» з 1 снежня стаўкі па крэдыце «Хутка наваселле» ўзняў да 11 працэнтаў у першыя 180 дзён, а з 181-га – да 14,5 працэнта (стаўка рэфінансавання +5 працэнтных пунктаў). Раней гэтыя стаўкі складалі 11% (была такой жа, як і зараз) і 14,2% адпаведна.

«Прыёрбанк» падвышаў працэнтныя стаўкі на крэдыты на нерухомасць «Дружная сямʼя» і «Купля пад заклад» у лістападзе – да 12% у першыя два гады, а ўвесь наступны перыяд – 14,6%, удакладнілі ў кантакт-цэнтры банка. З 1 снежня гэтыя стаўкі не змяніліся.

«Банк БелЗЭБ» з 1 снежня падняў стаўкі па крэдыце «На куплю першаснага і другаснага жылля» да 15,25% гадавых. Раней яна складала 14,61% гадавых.

Пры гэтым «Банк БелЗЭБ» з 1 снежня знізіў працэнтныя стаўкі ў крэдыце на спажывецкія патрэбы. Сума працэнтнай стаўкі залежыць ад тэрміну крэдытавання: да 6 месяцаў – 13,5% гадавых, ад 7 месяцаў да 1 года – 13,7%, ад 13 месяцаў да 2 гадоў – 14%, ад 25 месяцаў да 3 гадоў – 14,7%, ад 37 месяцаў да 5 гадоў – 15,25%. Максімальная сума крэдыту – да 100 тыс. рублёў (залежыць ад крэдытнага рэйтынгу). «Паручыцелі і даведкі аб даходах не патрабуюцца», – удакладняе фінустановы.

У «Беларусбанка» працэнтныя стаўкі на крэдыты на нерухомасць засталіся на ранейшым узроўні, указана на сайце фінустановы. Да прыкладу, пазыку «Іпатэка Экспрэс» па-ранейшаму можна атрымаць пад 14,4% гадавых.